Kenya haijapiga marufuku safari za ndege kutoka nchi yoyote kutua kwenye ardhi yake


Kenya airways

Waziri wa uchukuzi nchini Kenya James Macharia amekanusha uwepo wa mzozo wowote wa kidiplomasia na Tanzania.

Alikuwa anajibu taarifa ya nchi za Afrika Mashirika kwamba Tanzania haitaruhusu ndege za Shirika la Kenya Airways kufanya safari zake za kutoka Nairobi kwenda Dar es Salaam, Kilimanjaro na Zanzibar kuanzia Agosti 1.

Bwana Macharia amesema serikali ya Kenya haijapiga marufuku safari za ndege kutoka nchi yoyote kutua kwenye ardhi yake.

Akizungumza katika uwanja wa kimataifa wa Jomo Kenyatta baada ya nchi hiyo kufungua anga lake kwa ndege za kimataifa, Bwana Macharia amesema kuwa ndege za Tanzania hazijapigwa marufuku.

“Hatujapiga marufuku nchi yoyote kuingia Kenya. Hatujafunga anga letu, kile tulichofanya ni kuweka hatua ya karantini kwa baadhi ya nchi kulingana na tathmini ya janga hilo,” Bwana Macharia amesema.

Bwana Macharia amesema kwamba amewasiliana na mwenzake wa Tanzania kuhusu uhusiano wa nchi hizo mbili.

“Kenya haijapiga marufuku ndege kutoka Tanzania. Kenya haijapiga marufuku wasafiri kutoka Tanzania. Tulichofanya ni kuweka kanuni fulani za kiafya watu watakapowasili kutoka nchi mbalimbali,” Bwana Macharia amesema.



Source link

Author: mas

Leave a Reply

Your email address will not be published. Required fields are marked *