Virusi vya corona: Makamu wa rais wa Sudan Kusini Wani Igga atangaza kuwa na virusi


Makamu wa rais wa Sudan Kusini Dkt James Wani Iga amesema amebaini kuwa ana corona baada ya kufanyiwa vipimo

Haki miliki ya picha
Reuters

Image caption

Makamu wa rais wa Sudan Kusini Dkt James Wani Iga amesema amebaini kuwa ana corona baada ya kufanyiwa vipimo

Makamu wa rais wa Sudan Kusini Dkt James Wani Iga amesema kuwa amepatwa na virusi vya corona.

Akitangaza taarifa hiyo kupitia shirika la habari la taifa la Sudan Kusini amesema: ”Sampuli zangu zilichukuliwa siku chache zilizopatikana na leo nimepatikana na ccorona…kwahiyo ninawaomba raia wote wa Sudan Kusini kwenda kupimwa , hii ni muhimu ili tupunguze kusambaa kwa virusi kwa watu wengi”, amesema .

Taarifa ya kupatwa kwa maambukizi ya virusi vya corona kwa Dkt James Wani Iga , inakuja baada ya viongozi wengine wakuu wa nchi hiyo kutangaza kupatwa na Covid-19 mkiwemo makamu rais wa nchi hiyo Riek Machar na mkewe pia waambukizwa virusi vya corona mwezi huu.

Miongoni mwao ni Dkt. Machar alisema kwamba yeye na mke wake ambaye pia ni waziri wa ulinzi, walipata maambukizi baada ya kutangamana na jopo la ngazi ya juu la kukabiliana na virusi hivyo nchini humo.

Wakati huo Bwana Machar amesema kwamba hana dalili zozote na hali yake ya afya iko sawa lakini atajiweka karantini kwa siku 14.

Haki miliki ya picha
Reuters

Image caption

Riek Machar na mkewe waambukizwa virusi vya corona

Mwalitangaza kwamba virusi hivyo vimefikia kwenye kambi ya waliotoroka makazi yao ambao wamekuwa wakiitaka Umoja wa Mataifa iwalinde katika mji mkuu wa Juba tangu 2013.

Nchi hiyo bado inakabiliana na baa la njaa hata baada ya Machar na Rais Salva Kiir — waliokuwa mahasimu kuunda serikali ya umoja wa taifa Februari.

Viongozi hao wawili bado hawajakubaliana masuala ya msingi kama udhibiti wa majimbo.

Haki miliki ya picha
Getty Images

Wengine waliothibitishwa kuambukizwa ni walinzi kadhaa na wafanyakazi.

Mawaziri 10 tayari wameambukizwa virusi vya corona nchini Sudan Kusini, kulingana na taarifa iliyotolewa mwezi huu na msemaji wa serikali katika mahojiano na BBC.

Waziri wa Habari wa Sudani Kusini Michael Makuei aliiambia BBC kuwa mawaziri wote hao walikuwa ni wajumbe wa kamati ya juu ya serikali ya kupambana na corona nchini humo.

Katika mawaziri waliopo kwenye kamati hiyo, ni Waziri wa Afya pekee ambaye hakukutwa na maambukizi.

Iliripotiwa kuwa mawaziri hao waliambukizwa Covid-19 baada ya kukutana na aliyekuwa mjumbe wa kamati hiyo ambaye alikuwa na virusi vya corona.

Mawaziri wote 10 walijitenga kwa sasa na serikali imesema kuwa wote wanaendelea vizuri kiafya.

Haki miliki ya picha
GETTY IMAGES

Image caption

Waziri wa habari Michael Makuei alitangaza awali kuwa mawaziri 10 wa Sudan Kusini walipatwa na corona na kujiweka karantini

Walinzi wa viongozi kadhaa nchini humo pia walikutwa na virusi na na kuwekwa karantini.

Mpaka sasa zaidi ya watu 300 wamethibitishwa kupata corona Sudani Kusini, huku watu wane wakipona na sita kufariki.

Umoja wa Mataifa umetahadharisha juu ya hatari ya kuporomoka kabisa kwa mfumo wa afya wa nchi hiyo ambao una uwezo mdogo kutokana na mgororo wa vita vya wenyewe kwa wenyewe ambao umeathiri ustawi wa maendeleo.

Kwa sasa rais Kiir wameweka tofauti zao za kisiasakando na kutengeneza serikali ya umoja wa kitaifa, japo hawajaweza kukubaliana katika baadhi ya mambo ya msingi kama udhibiti wa majimbo.

Wakati corona ikiendelea kuleta wasiwasi, nchi hiyo pia inakabiliwa na uhaba wa chakula kwa sasa.



Source link

Author: mas

Leave a Reply

Your email address will not be published. Required fields are marked *